الصحوة


مع التطور اللي جالس يصير للعالم بالساعة ، ومع نفض غبار التخلف و الجهل والرجعية في السعودية الا إنه لا زال يوجد بقايا " صحونج " !

السعودية كل مالها في تطور إيجابي ومع كثره المعارضين من الصحونج و الرجعيين إلا ان ولي العهد لم يعطيهم مجالاً فقد دعس عليهم واعطاهم قيمة حجمهم ونمى بدولته

السينما دخول النساء للملاعب قيادة المرأة للسيارة كلها جت في سنة وحدة وخلت السعودية تتقدم 180 درجة ،

الصحونج يعارضون كل شي جديد وحديث ، هل عقلية الصحونج تعاني من خلل في تركيبها !

الصحوة دمرت شعوب وخطفت عقول ، تلقى شباب بعمر الزهور يحمل تفكير صحوي ومتطرف بسبب ما ورثه من بيئته و مجتمعه !

الصحوة تحكمها العادات والتقاليد البالية التي لا أصل لها في الشرع ، تحرم الحلال وتضطهد المرأة

فمثلاً عباية الكتف لايوجد نص شرعي يجبر المرأة على عباية الراس او على لون معين للعباية ،

الصحوة ترا ان الغبار والتغيرات الفلكية بسبب كثرة الذنوب طيب تايلاند 24 ساعة عليها أمطار وجو صافي ، ويربطون التوفيق بالعبادات ، العبادات تفرق بالآخرة بس ما تفرق بالدنيا.

اغلاق المحلات وقت الصلاة دول الخليج ما تسكرها وقت الصلاة وقرأت ان قبل 33 سنة لم تكن المحلات تغلق وقت الصلاة وإنما هي عادة دخيلة من هيئة الأمر بالمعروف و النهي عن المنكر

أمثلة على الصحوة :

قريب لي رافض رفض شديد ان زوجته تطلع بطاقة أحوال ويجبرها على عباية الراس مع أنه مو ملتزم بالعكس راعي شراب ومخدرات ،

وقريب لي يجبر بناته على عباية الرأس وعدم إظهار عيونهم بل يلبسن نقاب مخفي للعيون ،

وفيه مجتمع قريب لي البنات ممنوع يجلسون بالبيت لحالهم وممنوع يلبسن عباية كتف ولبس فري وبناطيل !

اذا عورة المرأة عند المرأة كعورة الرجل عند الرجل ولا يوجد نص شرعي يحرم البنطال !

الصحوة جعلت من العادات عبادات ، فقد سلبت منا كل شي جميل ،

جهاز هيئة الأمر بالمعروف والنهي عن المنكر ، تم ايقافها لكني أجدهم بالاسواق ينهون شي ليس محرم مثل كشف الوجه والعباية الملونة والعيون المطلعة !

ليه ما يلغون هيئة الأمر بالمعروف ويمحونها من تاريخ السعودية ! فهي المثل الأعلى للصحوة !

التفتح هو المطلب الأساسي بوقتنا هذا ! انا استغرب جداً من وجود الصحوة للآن واستغرب ان فيه ناس للحين عايشين بوقتنا هذا يحملون التفكير الصحوي و المتطرف !

كنا نسمع بعض المشايخ يحرمون مالم يحرمه الله سداً للذرائع ! طيب لم ينص في كتاب الله او في سنته قول " سداً للذرائع "

الكتب المدرسية تحمل افكار صحوية تزرع بعقول ابناء المستقبل وكتب المدرسة الحالية تتعارض مع رؤية 2030 !

الصحونج يحملون عقليات بسيطة ، تحرم الحلال وتقدس العادات و التقاليد ،

وصلنا 2020 ولسى فيه ناس تضطهد المرأة
وصلنا 2020 ولسى فيه ناس تحرم البنطال وعباية الكتف و العباية الملونة
وصلنا 2020 ولسى فيه مشايخ يمنعون ما أحل لله سداً للذرائع
وصلنا 2020 ولسى نستخدم كلمة محرم بالسفر
وصلنا 2020 ولسى الصحونج صامدون رغم ما يرونه من تفتح قادم في بلادنا
قناة روش

وصلنا 2020 ولسى الطالبة اذا طلعت من الجامعة لازم بطاقة خروج
وصلنا 2020 ولسى الهمج و المتخلفين والرجعين منتشرين
وصلنا 2020 ولسى فيه ناس تعيب على المطلقه وعلى التي لم تتزوج ولسى يستخدمون كلمة عانس


متى نتطور ونصير شعب متفتح وراقي ويواكب الزمن ويماشي العصور شعب مودرن يعرف كل شي جديد ❤





أسباب الصحوة ؟

وهل تتوقع أن الصحوة راح تنقرض بيوم من الأيام؟

والسبب الأول للصحوة ؟



يسعدني مروركم 🌷